Flash News
വാർത്തകൾക്കും, പരസ്യങ്ങൾക്കും ബന്ധപെടുക: 9895854501, 9895046567 ಸುದ್ದಿ ಹಾಗೂ ಜಾಹೀರಾತಿಗಳಿಗಾಗಿ ಸಂಪರ್ಕಿಸಿರಿ 9447435412...

ಈದ್! ಅನಾಚಾರಕ್ಕಿರುವ ಪರವಾನಿಗೆಯಲ್ಲ .

ಅನೀಸ್ ಕೌಸರಿ, ರಾಜ್ಯಾಧ್ಯಕ್ಷರು, ಎಸ್.ಕೆ.ಎಸ
Published on Sunday, July 03 2016
img

[ www.asiavisionnews.com ] ಒಂದು ತಿಂಗಳು ವೃತವನ್ನಾಚರಿಸಿ, ಸತ್ಕರ್ಮಗಳನ್ನು ನಿರ್ವಹಿಸಿ ಅದೆಲ್ಲವನ್ನೂ ಒಂದೇ ದಿನದಲ್ಲಿ ನೀರುಪಾಲಾಗಿಸುವ ದಿನವಾಗಿ ನಮ್ಮ ಈದ್ ದಿನ ಆಗದಿರಲು ಕೆಲವೊಂದು ವಿಚಾರ ತಿಳಿದಿರುವುದೊಳಿತು. ಈದ್ ಪಾವನ ದಿನ. ಸತ್ಕರ್ಮಗಳನ್ನು ಸ್ವೀಕರಿಸುವ ದಿನ. ಪ್ರಾರ್ಥನೆಗೆ ಉತ್ತರ ಇರುವ ದಿನ. ದೇವದೂತರು ಧರೆಗಿಳಿಯುವ ಸುದಿನ . ನಾವು ಎಲ್ಲರಂಥಲ್ಲ. ನಮಗೆ ಅಲ್ಲಾಹು ನಿರ್ಣಯಿಸಿಕೊಟ್ಟ ಸೀಮಿತ ವಲಯಗಳಿವೆ. ಮುಸ್ಲಿಮನಾದವನು ಅಲ್ಲಾಹು ನಿಶ್ಚಯಿಸಿದ ಸೀಮೆಯನ್ನು ದಾಟಬಾರದು. ಅದು ಯಾವ ಸಂದರ್ಭದಲ್ಲಾದರೂ ಸರಿ. ಇತ್ತೀಚೆಗೆ ಕೆಲವರು ಈದ್ ಅಂದರೆ ತಾನಿಚ್ಛಿಸಿದ್ದನ್ನು, ಇಸ್ಲಾಂ ವಿರೋಧಿಸಿದ್ದನ್ನು ಮಾಡಲು ಕೊಟ್ಟ ಪರವಾನಿಗೆಯಾಗಿ ಕಾಣುವಂತಿದೆ. ಈ ಭಾವನೆಯಿಂದಾಗಿ ಈ ದಿನ ದಿನದಂದು ನಡೆಯುತ್ತಿರುವ ಅನಾಚಾರಗಳು, ಧರ್ಮವಿರೋಧಿ ಚಟುವಟಿಕೆಗಳು ಸಮುದಾಯದ ಸ್ವಾಸ್ಥ್ಯಕ್ಕೆ ಧಕ್ಕೆಯನ್ನುಂಟು ಮಾಡುತ್ತಿದೆ.[ www.asiavisionnews.com ]

ಸಲ್ಮಾನ್ ಖಾನ್ ನಂತಹ ನಟರು ತಮ್ಮ ಸಿನಿಮಾಗಳನ್ನು ರಿಲೀಸ್ ಮಾಡುವುದೂ ಕೂಡ ಈ ದಿನ ಸುದಿನದಲ್ಲಿ. ಅದು ಬ್ಲಾಕ್ ಬ್ಲಾಸ್ಟರ್ ಆಗುವುದೂ ಕೂಡ ಆವಾಗಲೇ. ಟಿವಿ ಪ್ರೋಗ್ರಾಂಗಳಲ್ಲಿ ನಟ ನಟಿಯರಿಗೆ ಲಿಪ್ ಲಾಕ್ ಮಾಡಲು ಸಮಯ ಸಿಗುವುದೂ ಕೂಡ ಈ ದಿನಂದು ರಾತ್ರಿ. ಅಂದರೆ ರಂಝಾನ್ ಒಂದು ತಿಂಗಳ ಪುಣ್ಯಗಳು ಒಂದುಗೂಡುವ ರಾತ್ರಿಯೆಂದು ಪ್ರವಾದಿ ಸ.ಅ ವಿಶೇಷಿಸಿರುವ ರಾತ್ರಿ! ಹೀಗೆ ಯಾವುದೆಲ್ಲ ಕೆಟ್ಟದ್ದಕ್ಕೆ ಹೆಸರು ಪಡೆದಿದೆಯೋ ಅದೆಲ್ಲವೂ ಈದ್ ಆಗಮನವಾಗುತ್ತಿದ್ದಂತೆ ತಲೆಯೆತ್ತುತ್ತದೆ.

[ www.asiavisionnews.com ]ಇದಕ್ಕೆ ಕಾರಣವೇನು? ಬೇಡಿಕೆ ಇಲ್ಲದೆ ಮಾರುಕಟ್ಟೆಗಿಳಿಸಲು ಅವರಿಗೇನು ಹುಚ್ಚಿದೆಯೇ? ಹಾಗಾದರೆ ಯಾರು ಇದರ ಗಿರಾಕಿಗಳು!? ಕನ್ಸ್ಯೂಮರ್ಸ್ ಬೇರೆ ಯಾರೂ ಅಲ್ಲ ನಾವು, ಅಂದರೆ ಒಂದು ತಿಂಗಳ ರಂಝಾನಿನಲ್ಲಿ ಆಧ್ಯಾತ್ಮಿಕತೆಯ ಪ್ರಾಯೋಗಿಕ ಪಾಠ ಕಲಿತ ನಾವು, ಪಾಪ ವಿಮೋಚನೆಯ ತರಬೇತಿ ಪಡೆದ ನಾವು. ಇನ್ನೆಂದಿಗೂ ಪಾಪದೆಡೆಗೆ ಮರಳಾರೆನು ಎಂದು ತೌಬಾ ಮಾಡಿದ ನಾವು. ಈಗ ಹೇಳಿ ಈ ರಮಳಾನ್ ನಮಗೆ ಸಾಕ್ಷಿ ಹೇಳಿತೇ? ರಂಝಾನಿನಿಂದ ನಮಗೆ ಉಪಕಾರವಾಗಿದೆಯೇ? ಕುರ್ ಆನ್ ಹೇಳಿದಂತೆ ತಖ್ವಾ ಲಭಿಸಿದವರಾಗಿದ್ದೇವೆಯೇ? ನಮ್ಮ ಉಪವಾಸ ಸ್ವೀಕರಿಸಲ್ಪಡುವುದೇ? ನೆನಪಿಡಿ, ಎಲ್ಲರಂಥಲ್ಲ ನಾವು. ನಾವು ಮುಸ್ಲಿಮರು. ನಮ್ಮ ಆಚರಣೆಗೂ ಇತಿಮಿತಿಗಳಿವೆ. ಈದ್ ಆರಾಧನೆಯ ಅಂಶವೇ ಹೊರತು ಅನಾಚಾರಕ್ಕಿರುವ ಪರವಾನಿಗೆಯಲ್ಲ. ಹೊಸ ವಸ್ತ್ರಕ್ಕಾಗಿ ವಿವಸ್ತ್ರರಾಗಬೇಡಿ ನಿಜ, ರಂಝಾನಿನ ಕೊನೆಯ ಹತ್ತರ ದಿನರಾತ್ರಿಗಳು ಅಂತಿಮ ಫಲಿತಾಂಶ ಪಡೆಯಬೇಕಾದ ಬೆಲೆಕಟ್ಟಲಾಗದ ಕ್ಷಣಗಳು. ಆದರೆ ನಾವು ಮಾತ್ರ ಅವಾಗಲೆಲ್ಲ ಬಝಾರಿನಲ್ಲಿರುತ್ತೇವೆ. ತಿಳಿದಿರಲಿ, ಈದ್ ಒಂದು ಸುನ್ನತ್. ಆ ದಿನದಂದು ಇರುವವರು ಹೊಸ ಉಡುಪು ಧರಿಸುವುದು ಆ ಸುನ್ನತ್ತಿನ ಭಾಗ ಅಷ್ಟೆ. ಆದರೆ ಈ ಒಂದು ಸುನ್ನತ್ತಿಗಾಗಿ ನಾವು ಪಡೆದುಕೊಳ್ಳುವ ಹರಾಂಗಳೆಷ್ಟು? ಕೊನೆಯ ಹತ್ತರಲ್ಲಿ ಬಝಾರ್ ಗಳಲ್ಲಿ ನಮ್ಮ ಮಹಿಳೆಯರ ಸ್ಥಿತಿ ನೋಡಿದರೆ ಯಾರಿಗೂ ಮರುಕವಾಗದಿರದು. ಅದರಲ್ಲೂ ಯುವತಿಯರು ಅಂಗಾಂಗಗಳನ್ನು ತೋರಿಸುತ್ತಾ ವಸ್ತ್ರಕ್ಕಾಗಿ ವಿವಸ್ತ್ರರಾಗುವ ಸ್ಥಿತಿ. ಇದು ಯಾರು ಕಲಿಸಿದ ಆಚಾರವೋ? ಯಾರಿಗಾಗಿ ಆಚರಿಸುವ ಈದೋ ಯಾರಿಗೂ ತಿಳಿಯದಾಗಿದೆ.

ಕೇಳುವಾಗಲೇ ತಲೆ ತಿರುಗುವ ವಸ್ತ್ರಗಳ ಹೆಸರುಗಳು ಇನ್ನೇನು ಬರಲಿದೆ ನೋಡಿ. ಯಾರೋ ನಟಿಯರು ನಿನಗೆ ಮಾದರಿ ಎಂದಾದರೆ ನೀನಗೇಕೆ ಇಸ್ಲಾಂ? ಯಾರನ್ನು ಅನುಕರಿಸುತ್ತೀಯೋ ಅವರವಳಾಗಿ, [ www.asiavisionnews.com ]ಅವರವನಾಗಿ ಪರಲೋಕಕ್ಕೆ ತಲುಪಲಿರುವೆ ಎಂಬುದು ನೆನಪಿರಲಿ. ಬ್ಯೂಟಿ ಪಾರ್ಲರ್ ಗಳಂತೂ ಇನ್ನೇನೂ ತುಂಬಿ ತುಳುಕಲು ಪ್ರಾರಂಭಿಸುತ್ತದೆ. ಈ ಕೃತಕ ಶೃಂಗಾರ ಯಾರ ಮನ ತಣಿಸಲಿಕ್ಕೆ? ಅದನ್ನು ತೋರಿಸಲು ನೀನಿರುತ್ತೀಯೋ, ಅಥವಾ ನೋಡಲು ಅವನಿರುತ್ತಾನೋ ,ಗ್ಯಾರೆಂಟಿ ಕೊಡಬಲ್ಲೆಯಾ ಗೆಳತಿ? ನಮ್ಮ ಮೆನ್ಸ್ ಪಾರ್ಲರ್ ಗಳಲ್ಲಂತೂ ಹೇಳಿತೀರಲಾಗದ ಅವಸ್ಥೆ. ಒಬ್ಬೊಬ್ಬನ ತಲೆ ಒಂದೊಂದು ರೀತಿ. ಒಂದು ಆಫ್ರಿಕನ್ ಮಂಕಿ ಸ್ಟೈಲಾದರೆ ಇನ್ನೊಂದು ಉಗಾಂಡಾ! ಹುಡುಗರ ವಸ್ತ್ರವೂ ಮುಕ್ತವಾಗಿಲ್ಲ. ಇಲ್ಲೂ ಹೇಳುತ್ತಿದ್ದೇನೆ, ಎಲ್ಲರಂಥಲ್ಲ ನಾವು. ನಮಗೆ ವಸ್ತ್ರದಲ್ಲಿ ಇಸ್ಲಾಂ ಕಲಿಸಿದ ಶಿಸ್ತುಕ್ರಮಗಳಿವೆ. ಅದು ಈದನ್ನೂ ಬಿಟ್ಟಿಲ್ಲ. ಈದ್ ಇಸ್ಲಾಮಿನೊಳಗಿನ ಆರಾಧನಾ ಕರ್ಮವಾಗಿದೆ. ನಿಮ್ಮನ್ನು ಮನೆಯಲ್ಲಿ ಕಾಯುತ್ತಿದ್ದಾರೆ ಕೆಲವರು ಬೈಕ್ ಓಡಿಸುವುದನ್ನು ನೋಡಿದರೆ ಮೈ ಜುಮ್ಮೆನಿಸುತ್ತದೆ. ಈದ್ ಅಂದಾಗ ಅದೇನೋ ಮೈಗೆ ಸೇರಿಕ್ಕೊಂಡಂತೆ! ನಮ್ಮಿಂದ ಯಾರಿಗೂ ತೊಂದರೆಯಾಗಬಾರದು. ಅದನ್ನು ಇಸ್ಲಾಂ ಕಟ್ಟುನಿಟ್ಟಾಗಿ ವಿರೋಧಿಸಿದೆ. ನಾವು ಈದ್ ಎಂದು ಹೆಡ್ ಲೈಟ್ ಹಾಕಿ, ಜೋರಾಗಿ ಸಂಗೀತ ಹಾಕಿಕೊಂಡು ಅಡ್ಡಾದಿಡ್ಡ ಸವಾರಿ ಮಾಡಿ ಸಾರ್ವಜನಿಕರಿಗೆ ತೊಂದರೆಕೊಡಬಾರದು. ಟ್ರಾಫಿಕ್ ಜಾಮ್ ಉಂಟುಮಾಡಬಾರದು. ರಸ್ತೆಯಲ್ಲಿ ಅದೆಷ್ಟೋ ರೋಗಿಗಳನ್ನು ಆಸ್ಪತ್ರೆಗೆ ಸೇರಿಸುವವರು, ತೊಂದರೆಯಲ್ಲಿರುವವರು ಇದ್ದೇ ಇರುತ್ತಾರೆ ಎಂಬ ನೆನಪಿರಲಿ.

ವಾಹನ ಚಲಾಯಿಸುವಾಗ ಈದ್ ಸುದಿನ ದುಃಖದ ದಿನವಾಗದಂತೆ ಎಚ್ಚರ ಇರಲಿ. ಸ್ನೇಹ ಸೇತುವಾಗಲಿ ಈದ್ ಈದಿನ ದಿನವೆಂದರೆ ಪರಸ್ಪರ ಜೊತೆಸೇರಲಿರುವ, ಕೌಟುಂಬಿಕ ಸಂಬಂಧ ಬೆಸೆಯಲಿರುವ ಪುಣ್ಯ ದಿನ.[ www.asiavisionnews.com ] ಆದರೆ ಅದೇ ದಿನದಂದು ಮಸೀದಿಗಳಲ್ಲಿ ಗಲಭೆ ಮಾಡುವವರಿದ್ದಾರೆ. ಉಸ್ತಾದರುಗಳನ್ನು ಬದಲಾಯಿಸುವ ದಿನ ವಾಗಿರುವುದರಿಂದಲೇನೋ ಇದಂತೂ ಸಾಮಾನ್ಯವಾಗುತ್ತಿದೆ. ಕೋಪಿಸಿರುವವರಿಗೆ ಆಲಂಗಿಸಲು, ದೂರ ಸರಿದಿರುವವರಿಗೆ ಹತ್ತಿರವಾಗಲು, ಮುಖ ತಿರುಗಿಸಿರುವವರಿಗೆ ಮಂದಹಾಸ ಬೀರಲು ಈ ಈದ್ ಸ್ನೇಹ ಸೇತುವಾಗಬೇಕು. ಆಗಲಿ ಎಂದು ಹಾರೈಸುವ.

ಅದಕ್ಕಾಗಿ ಹೃದಯ ಶುದ್ಧಿಯಾಗಬೇಕು. ಅದಕ್ಕೆ ತಾನೆ ರಂಝಾನನ್ನು ಕೊಟ್ಟದ್ದು. ಕೋಮು ಸೌಹಾರ್ದತೆಗೂ ಈದ್ ವೇದಿಕೆಯಾಗಲಿ. ನಮ್ಮವರನ್ನು ಮರೆಯದಿರಿ ನಮ್ಮವರು ಎಂದರೆ ಕಷ್ಟದಲ್ಲಿರುವವರು. ಅವರನ್ನು ನಮ್ಮವರಾಗಿ ಕಾಣೋಣ.[ www.asiavisionnews.com ] ನಮ್ಮ ಮಕ್ಕಳಿಗೆ ಖರೀದಿಸುವಾಗ ಅವರದ್ದೂ ನೆನಪಿರಲಿ. ಪ್ರವಾದಿ ಸ.ಅರವರ ಈದ್ ಅದಾಗಿತ್ತು. ನಮ್ಮ ಖರೀದಿಗಳು ಅನಾಥರ ಕಣ್ಣೀರಿಗೆ ಕಾರಣವಾಗದೆ ಅವರ ಸಾಂತ್ವನಕ್ಕೆ ಹೇತುವಾಗಲಿ. ಅವರ ಕಣ್ಣೀರು ಸಮುದಾಯಕ್ಕೆ ಅಗ್ನಿಗಿಂತಲೂ ಭೀಕರವಾದೀತು.ಈದುಲ್ ಫಿತ್ರ್ ಎಂದರೇನೇ ಫಿತ್ರ್ ಝಕಾತಿನ ಈದಾಗಿದೆ. ಅದನ್ನು ತಪ್ಪದೆ ನೀಡೋಣ. ಅಂದು ಯಾರೂ ಹಸಿದಿರಬಾರದಲ್ಲವೇ? ಒಟ್ಟಿನಲ್ಲಿ ಈದ್ ಎನ್ನುವುದು ಆರಾಧನಾ ಕರ್ಮವೇ ಹೊರತು ಅನಾಚಾರವಲ್ಲ. ನಮ್ಮ ಸತ್ಕರ್ಮಗಳು ಸ್ವೀಕರಿಸಲ್ಪಡುವ ದಿನದಂದೇ ಅದನ್ನು ಕಳೆದುಕೊಂಡು ಇಹ ಪರ ಪರಾಜಿತರಾಗದಿರೋಣ. ನಮ್ಮ ಮಹಿಳೆಯರನ್ನು ನಿಯಂತ್ರಣದಲ್ಲಿಡೋಣ. ಕಾರಣ ನಾವು ಎಲ್ಲರಂಥಲ್ಲ. ನಾವು ಮುಸ್ಲಿಮರು. ಅದೂ ಖೈರ್ ಉಮ್ಮತ್ ಆಗಬೇಕಾದವರು.

Comments