antalya otogar rent a car ordu haberleri fatsa haberleri - instagram türk takipçi al yemek tarifleri

മൊബൈല്‍ ഫോണ്‍ പൊട്ടിത്തെറിച്ച്‌ 12 കാരന് ഒരു കണ്ണും കൈ വിരലും നഷ്ടമായി | ASIAVISION NEWS
Flash News
മഞ്ചേശ്വരം എം.എല്‍.എ പി.ബി.അബ്ദുള്‍ റസാഖ് അന്തരിച്ചു...

മൊബൈല്‍ ഫോണ്‍ പൊട്ടിത്തെറിച്ച്‌ 12 കാരന് ഒരു കണ്ണും കൈ വിരലും നഷ്ടമായി

Monday, February 12 2018
img

ബീജിംഗ് (www.asiavisionnews.com): ചാര്‍ജ് ചെയ്യുന്നതിനിടയില്‍ മൊബൈല്‍ ഫോണ്‍ പൊട്ടിത്തെറിച്ച്‌ 12 വയസുകാരന് വലതു കണ്ണും വലതു കൈയ്യിലെ ചൂണ്ടുവിരലും നഷ്ടമായി. ചൈനയിലാണ് സംഭവം നടന്നത്. കുട്ടിയുടെ കൈയ്യില്‍ ഉണ്ടായിരുന്ന ഫീച്ചര്‍ ഫോണാണ് ചാര്‍ജ് ചെയ്യുന്നതിനിടയില്‍ പൊട്ടിത്തെറിച്ചത്.

കുറെ കാലമായി ഉപയോഗിത്തതിരുന്ന ഫോണ്‍ എടുത്ത് മെഞ്ച് ജിസു എന്ന കുട്ടിയാണ് വീട്ടില്‍ ചാര്‍ജ് ചെയ്യാന്‍ വെച്ചത്. ഹുവാ ടാങ്ങ് വിടി-വി 59 എന്ന ഫീച്ചര്‍ ഫോണായിരുന്നു ചാര്‍ജില്‍ വെച്ചത്. ചാര്‍ജില്‍ വെച്ച്‌ ഫോണ്‍ ഓണാക്കാനായി ശ്രമിക്കുമ്ബോഴാണ് പൊട്ടിത്തെറിച്ചത്.

ഫോണ്‍ പൊട്ടിത്തെറിച്ച്‌ കുട്ടിയുടെ വിരല്‍ നഷ്ടമാവുകയും ബോധം കെട്ട് വീഴുകയും ചെയ്തു. ശബ്ദം കേട്ടെത്തിയ സഹോദരിയാണ് ജിസുവിനെ ആശുപത്രിയില്‍ കൊണ്ടുപോയത്. അഞ്ച് ശസ്ത്രക്രിയയിലൂടെയാണ് പൊട്ടിത്തെറിച്ച ഫോണിന്റെ ഭാഗങ്ങള്‍ കുട്ടിയുടെ ശരീരത്തില്‍ നിന്നും നീക്കം ചെയ്തത്.

ആശുപത്രിയില്‍ കൊണ്ടു പോകുമ്ബോള്‍ തന്നെ അറ്റുപോയ വിരല്‍ കൊണ്ടുപോകാത്തതിനാല്‍ അത് വീണ്ടും തുന്നിച്ചേര്‍ക്കാന്‍ സാധിക്കില്ലെന്ന് ആശുപത്രിയിലെ ഡോക്ടര്‍മാര്‍ പറഞ്ഞു. പൊട്ടിത്തെറിച്ച ഫോണിന്റെ കമ്ബനി ഇതുമായി ബന്ധപ്പെട്ട് ഇതുവരെ പ്രതികരണങ്ങള്‍ നടത്തിയിട്ടില്ല.

Comments