Flash News
വാർത്തകൾക്കും, പരസ്യങ്ങൾക്കും ബന്ധപെടുക: 9895854501, 9895046567 ಸುದ್ದಿ ಹಾಗೂ ಜಾಹೀರಾತಿಗಳಿಗಾಗಿ ಸಂಪರ್ಕಿಸಿರಿ 9447435412...

എൻമകജെ പഞ്ചായത്തിലെ തടയണ നിർമാണത്തിൽ വൻ അഴിമതി: ബി.ജെ.പി വനിതാ നേതാവ് ഉൾപ്പെടെ നാലുപേർക്കെതിരെ വിജിലൻസ് കേസ്

Friday, December 30 2016
img

കാസറഗോഡ് (www.asiavisionnews.com): എന്‍മകജെ പഞ്ചായത്തിലെ പടോളിത്തടുക്കയിലെ തടയണ നിര്‍മ്മാണവുമായി ബന്ധപ്പെട്ട് ഉണ്ടായ അഴിമതി പ്രഥമ ദൃഷ്ട്യാ കണ്ടെത്തിയതിനെ തുടർന്ന് തലശ്ശേരി വിജിലന്‍സ് കോടതി നിര്‍ദേശ പ്രകാരം നാലു പേര്‍ക്കെതിരെ കേസെടുത്ത് കാസര്‍കോട് വിജിലന്‍സ് അന്വേഷണം ആരംഭിച്ചു.

മുന്‍ എന്‍മകജെ പഞ്ചായത്ത് പ്രസിഡണ്ടും കാസര്‍കോട് ജില്ലാ പഞ്ചായത്ത് ബിജെപി അംഗവുമായ പുഷ്പ അമേക്കള, ഇപ്പോഴത്തെ പഞ്ചായത്ത് പ്രസിഡണ്ടും മുന്‍ ജില്ലാ പഞ്ചായത്ത് അംഗവുമായ രൂപവാണി ഭട്ടിന്റെ ഭര്‍ത്താവും ബിജെപി നേതാവുമായ രമാനന്ദ ഭട്ട് എടമല, എല്‍എസ്ജിഡി അസി. എഞ്ചിനീയര്‍ വേണു, എന്‍ ആര്‍ ഇ ജി എ അസി. എഞ്ചിനീയര്‍ ഹംസാര്‍ എന്നിവര്‍ക്കെതിരെയാണ് കാസര്‍കോട് വിജിലന്‍സ് ഡിവൈഎസ്പി രഘുരാമന്‍ എഫ് ഐ ആര്‍ രജിസ്റ്റര്‍ ചെയ്ത് അന്വേഷണം ആരംഭിച്ചത്.

2010 മെയ്‌ 25നു 8,69,861 രൂപ ചെലവില്‍ നിര്‍മ്മാണം പൂര്‍ത്തിയാക്കിയ തടയണക്ക്‌ എന്‍മകജെ പഞ്ചായത്ത്‌ തടയണ നിര്‍മ്മാണ സാമഗ്രികള്‍ ഇറക്കിയത്‌ 2010 മെയ്‌ 23 മുതല്‍ 2010 ജൂണ്‍ 15 വരെ.ദേശീയ തൊഴിലുറപ്പു പദ്ധതിയനുസരിച്ചുള്ള തടയണ നിര്‍മ്മാണത്തിലെ ക്രമക്കേട് ആണ് കേസിനു അടിസ്ഥാനം.

2009 -2010, 2010- 2011 കാലയളവില്‍ എന്‍മകജെ പഞ്ചായത്തിലെ പടോളിത്തടുക്ക വി സി ബി നിര്‍മ്മാണ പ്രവര്‍ത്തി നടത്തിയതില്‍ പ്രതികള്‍ സാമ്പത്തിക ലാഭം ഉണ്ടാക്കണമെന്ന ഉദ്ദേശത്തോടെ ഗൂഢാലോചന നടത്തിയതായി യൂത്ത് കോണ്‍ഗ്രസ് മഞ്ചേശ്വരം ബ്ലോക്ക് സെക്രട്ടറി എം.കെ രമേശ് നല്‍കിയ പരാതിയുടെ അടിസ്ഥാനത്തിലാണ് കേസെടുക്കാന്‍ വിജിലന്‍സ് കോടതി നിര്‍ദേശം നല്‍കിയത്.

ഒന്നാം പ്രതി ഔദ്യോഗിക പദവി ദുരുപയോഗം ചെയ്ത് ബില്ലുകളില്‍ തിരുത്തലുകള്‍ വരുത്തിയും നാലാം പ്രതിയുടെ ഒത്താശയോടെ മൂന്നാം പ്രതിക്ക് നിയമവിരുദ്ധമായി 7,21,631 രൂപ അനുവദിക്കുകയും രണ്ടാം പ്രതി ഈ പ്രവര്‍ത്തിക്കു വേണ്ടി മെറ്റീരിയല്‍ ട്രാന്‍സ്‌പോര്‍ട്ടേഷന്‍ പ്രവര്‍ത്തി ചെയ്തതായി വ്യാജരേഖയുണ്ടാക്കി സര്‍ക്കാര്‍ ഖജനാവില്‍ നിന്നും 82,720 രൂപ മാറിയെടുത്ത് ദുര്‍വിനിയോഗം ചെയ്തുവെന്നുമാണ് കേസ്.

Comments

haberler antalya haberleri

antalya rent a car