antalya otogar rent a car ordu haberleri likit satın al - instagram türk takipçi al instagram yavaş beğeni satın al ko cuce

ഉപ്പള റെയിൽവേ സ്‌റ്റേഷൻ തരംതാഴ്‌ത്തൽ: പ്രതിഷേധം ശക്തമാകുന്നു | ASIAVISION NEWS
Flash News
വാർത്തകൾക്കും, പരസ്യങ്ങൾക്കും ബന്ധപെടുക: 9895854501 ಸುದ್ದಿ ಹಾಗೂ ಜಾಹೀರಾತಿಗಳಿಗಾಗಿ ಸಂಪರ್ಕಿಸಿರಿ 9447435412...

ഉപ്പള റെയിൽവേ സ്‌റ്റേഷൻ തരംതാഴ്‌ത്തൽ: പ്രതിഷേധം ശക്തമാകുന്നു

Monday, October 07 2019
img

ഉപ്പള (www.asiavisionnews.com): മഞ്ചേശ്വരം താലൂക്ക് ആസ്ഥാനമായ ഉപ്പളയിലെ റെയിൽവേ സ്‌റ്റേഷൻ തരം താഴ്‌ത്താനുള്ള റെയിൽവേ തീരുമാനത്തിനെതിരെ പ്രതിഷേധമുയരുന്നു.

കാസർകോടിനും മംഗളൂരുവിനുമിടയിൽ പ്രധാനകേന്ദ്രങ്ങളിൽ റെയിൽവേ സ്‌റ്റേഷനുകളുണ്ടെങ്കിലും പ്രധാന വണ്ടികളൊന്നും നിർത്തുന്നില്ല. പാസഞ്ചർ ട്രെയിനുകൾ മാത്രം ആശ്രയിക്കേണ്ടിവരുന്ന വിദ്യാർഥികളും മറ്റ്‌ യാത്രക്കാരും അനുഭവിക്കുന്ന ദുരിതം ചെറുതല്ല. ഈ പ്രതിസന്ധിക്കിടെയാണ്‌ ഇരുട്ടടി പോലെ ഉപ്പള റെയിൽവേസ്‌റ്റേഷൻ തരംതാഴ്‌ത്തി റെയിൽവേ അധികൃതരുടെ ഉത്തരവിറങ്ങിയത്‌.

ദിവസേന നൂറുകണക്കിനാളുകൾ ഉപയോഗിക്കുന്ന സ്‌റ്റേഷനാണിത്‌. കേന്ദ്രസർക്കാരിന്റെ നിരുത്തരവാദ നടപടിക്കെതിരെ രാഷ്ട്രീയ ഭേദമില്ലാതെ അമർഷമുയരുകയാണ്‌.

പാർലമെന്റ്‌ അംഗം ഉൾപ്പെടെനിരുത്തരവാദപരമായാണ്‌ പ്രശ്‌നത്തെ സമീപിക്കുന്നു എന്നാണ് ആരോപണം .

തരംതാഴ്‌ത്തപ്പെട്ടതോടെ ഉപ്പളയിൽ സ്‌റ്റേഷൻ മാസ്‌റ്റർ ഉണ്ടാകില്ല. ക്ലർക്ക്‌ ഇൻചാർജാണ്‌ കാര്യങ്ങൾ നിർവഹിക്കുക.

ടിക്കറ്റ്‌ നൽകുന്നതും ക്ലർക്കായിരിക്കും. പുതിയ പരിഷ്‌കാരംമൂലം സുരക്ഷാ പ്രശ്‌നങ്ങളും അപകടഭീഷണിയും സംജാതമാകുമെന്നാണ്‌ ജീവനക്കാർ ചൂണ്ടിക്കാട്ടുന്നത്‌. കുമ്പള, മഞ്ചേശ്വരം സ്‌റ്റേഷനുകളിലെ ജീവനക്കാരുടെ ജോലിഭാരം ഇരട്ടിക്കുകയും ചെയ്യും. യാത്രക്കാർക്ക്‌ ടിക്കറ്റ്‌ നൽകൽ, ട്രെയിനുകളുടെ സ്‌റ്റോപ്പ്‌ എന്നിവ മാത്രമാണ്‌ ഉപ്പളയിൽ നടക്കുക.

ട്രെയിനുകളുടെ ഗതാഗതനിയന്ത്രണം, ലെവൽക്രോസുകളുടെ നിയന്ത്രണം തുടങ്ങിയവ ഇല്ലാതായി. സമീപ സ്‌റ്റേഷനുകൾ കേന്ദ്രീകരിച്ചാണ്‌ ഇത്‌ നിർവഹിക്കപ്പെടുക. കുമ്പളയിൽ സ്‌റ്റേഷൻ മാസ്‌റ്ററെ കൂടാതെ ടിക്കറ്റ്‌ നൽകാൻ ഒരാൾകൂടിയുണ്ട്‌. മഞ്ചേശ്വരത്ത്‌ ഒരാൾ മാത്രമാണുള്ളത്‌.

പരിഷ്‌കാരം യാത്രക്കാരെ ദോഷകരമായി ബാധിക്കില്ലെന്നാണ്‌ റെയിൽവേ അധികൃതരുടെ വിശദീകരണം. ഇത്‌ സാങ്കേതികമായ അർഥത്തിലുള്ളതാണ്‌. രണ്ടിൽ അധികം ട്രാക്കുകളുള്ള സ്‌റ്റേഷനുകളിലാണ്‌ ട്രെയിനുകളുടെ ക്രോസിങ് നടക്കുക. അതിന്‌ സ്‌റ്റേഷൻ മാസ്‌റ്ററുടെ സേവനം ആവശ്യമാണ്‌. എന്നാൽ, രണ്ട്‌ ട്രാക്ക്‌ മാത്രമുള്ള ഉപ്പളയിൽ ട്രെയിനുകൾക്ക്‌ ഓട്ടോമാറ്റിക്‌ സംവിധാനം ഉപയോഗിച്ച്‌ സിഗ്‌നൽ നൽകാനാകും.

ടിക്കറ്റ്‌ വിതരണത്തിൽ തടസമുണ്ടാകില്ല. എന്നാൽ, പരിഷ്‌കാരം കുമ്പള, മഞ്ചേശ്വരം സ്‌റ്റേഷൻ മാസ്‌റ്റർമാർക്ക്‌ അധികജോലി വരുത്തിവെക്കും. ഒരേസമയം ആറ്‌ ട്രെയിനുകളുടെ ഗതാഗതമാണ്‌ ഇവർ നിയന്ത്രിക്കേണ്ടി വരിക. ട്രെയിനുകൾ അടക്കം സ്വകാര്യവൽകരിക്കുന്ന വേളയിലുള്ള നടപടികളിലുടെ റെയിൽവേ നൽകുന്ന സൂചന, ഇത്തരം സ്‌റ്റേഷനുകൾ ഇനിയുണ്ടാവില്ല എന്നാണ്‌

തെരഞ്ഞെടുപ്പ്‌ ചൂടിൽ വിയർത്തുനിൽക്കുന്ന മഞ്ചേശ്വരം മണ്ഡലത്തിൽ പുതിയ ജനകീയ വിഷയമായി മാറുകയാണ്‌ ഉപ്പള റെയിൽവെ സ്‌റ്റേഷൻ. പൊതുവേ പിന്നോക്കാവസ്ഥയിലുള്ള മേഖലയിൽ നടത്തിയ പരിഷ്‌കാരം റെയിൽ വികസനത്തിന്റെ ചിറകരിയാനുള്ള ഗൂഢപദ്ധതിയുടെ ഭാഗമാണെന്ന്‌ യാത്രക്കാർ ആരോപിക്കുന്നു. നവീകരണം, പുതിയ വണ്ടികൾ, കോച്ചുകൾ എന്നിവ ആവശ്യപ്പെടുമ്പോൾ അത്യുത്തരകേരളത്തോട്‌ അധികൃതർക്ക്‌ എന്നുംഅവഗണനയാണ്‌. മംഗളൂരു കേന്ദ്രീകരിച്ച്‌ പുതിയ റെയിൽവേ സോൺ രൂപീകരിക്കാനുള്ള നീക്കങ്ങൾ ബിജെപി നേതാക്കളുടെ ആശിർവാദത്തോടെ നടക്കുന്നുണ്ട്‌.

റെയിൽവെ ഭൂപടത്തിൽ നിന്ന്‌ ഉപ്പള സ്‌റ്റേഷൻ നീക്കുന്നതിന്‌ പിന്നിലും അവരാണെന്നാണ്‌ ആരോപണം ഉയരുന്നത്‌. സ്‌റ്റേഷൻ തരം താഴ്‌ത്തിയത്‌ റെയിൽവെയിലെ യൂണിയൻ നേതാക്കളുടെ തീരുമാനമാണെന്ന ബാലിശമായ മറുപടിയാണ്‌ ബിജെപി നേതാക്കൾ നടത്തുന്നത്‌.

റെയിൽവെ അധികൃതരുമായി മണ്ഡലത്തിലെ കാര്യങ്ങൾ ചർച്ച ചെയ്‌തുവെന്ന്‌ അടുത്ത ദിവസമാണ്‌ എംപി അവകാശപ്പെട്ടത്‌. അതിന്‌ പിന്നാലെയാണ്‌ റെയിൽവെയുടെ ഈ നടപടി. എംപി പുതിയ നീക്കം അറിഞ്ഞില്ല എന്നാണു പറയുന്നത്.

...ഏഷ്യാവിഷൻ ന്യൂസ് വാട്സാപ്പില്‍ ലഭിക്കാന്‍ 9895854501 എന്ന നമ്പര്‍ സേവ് ചെയ്തതിനുശേഷം നിങ്ങളുടെ പേര് ഈ നമ്പറിലേക്ക് വാട്സാപ്പ് മെസേജ് അയക്കുകയോ, നിങ്ങളുടെ വാട്ട്സ് ആപ്പ് ഗ്രൂപ്പിൽ ചേർക്കുകയോ ചെയ്യുക...

Comments

haberler antalya haberleri

antalya rent a car